Politologu Ramadani për takimin Kurti-Macron: Javët e ardhshme dihet çka ndodhi në Paris

Një ndër temat në këtë takimi ishte edhe çështja e dialogut me Serbinë.

Në anë tjetër, sipas politologut Shkodran Ramadani, takimi Kurti-Macron në Paris shihet si përshpejtues dhe riligjitimues në raport me dialogun Kosovë-Serbi.

Ramandani për Periskopin ka thënë se javëve në vazhdim mund të shohim se çfarë do të sjellë ky takim.

“Se çka do të thotë kjo për Kosovën, do të dihet javën në vazhdim sepse bëhet fjalë për një rifillim të procesit të dialogut dhe rolin në këtë proces do ta ketë Bashkimi Evropian, konkretisht Franca dhe Gjermania dhe tashmë është e sigurt për formimin e Asociacionit të komunave serbe dhe ky takim është si përshpejtues dhe rilegjitumues në raport me dialogun.”, ka thënë ai.

Ramadani po ashtu ka thënë se presidenti francëz në vazhdimësi ka pritur liderët e Kosovës në Francë, njejtë edhe Kurtin të cilin sipas tij e ka ftuar për të rifilluar dialogun.

Për ketë takim ka folur edhe deputeti nga radhës e PDK’së, Xhavit Haliti në një intervistë për Periskopin, ku tha se Kurti në këtë rast, publikisht flet çka dëshiron vetë, por të tjera janë temat që diskutohen në tavolinë brenda katër mureve.

Kryeministri Kurti dje ndër të tjerash theksoi se Franca nuk dha siguri për liberalizimin e vizave, ndërkohë përmendi edhe dialogun dhe pozicionin e tij  karshi kësaj çështjeje.

Kurse presidenti francez, Macron kërkoi kompromis mes Kosovës dhe Serbisë./Periskopi/