Shkoi marsi e Ligji i Pagave kurrkah, Syla: Mjekët po ikin, Qeveria Kurti le t’i hapë sytë se po i vjen fundi

Blerim Syla në një deklaratë për Periskopin ka theksuar se që nga nesër do të koordinohen me gjitha sindikatat e tjera për marrjen e veprimeve konkrete, nëse përnjëmend nuk bëhet asgjë.

Punëtorët shëndetësorë ndihen të mashtruar dhe të zhgënjyer sepse sot është data 31. Ne po duam të presim deri nesër me reagu por po shihet që nuk ka kurrgjë prej kësaj pune. Është jo e sinqertë dhe jonjerëzore se çka është t’u ndodh. Njerëzit kanë pritë shumë për këtë Ligj të Pagave. Mirëpo ne si federatë do të marrim vendimin e prerë se çka do të vepojmë më tutje. Ne do të bashkëpunojmë me gjitha sindikatat sepse kjo nuk i takon veç federatës së sindikatave të Shëndetësisë’’, ka thënë ai për Periskopin.

Tutje Syla tregon se si mjekët e infermierët po ikin çdo ditë nga Kosova.

Është e vërtetë që jam tu taku me mjekë e infermierë, e ata po ikin përditë. Mirëpo në koordinim me gjitha sindikatat do të marrim vendimin e përbashkët për ragim të përbashkët. Këtu pra bëhemi gjithë bashkë’, shtoi ai.

Syla ka një mesazh të fundit për Qeverinë – që t’i hapin sytë.

‘’ Nëse nuk reflekton qeveria në këtë rast, mekanizmi i vetëm është greva dhe protesta edhe pse nuk do të kishim dashur, por po na detyrojnë. Është e pashmangshme nëse këta nuk veprojnë, nuk thërrasin dhe nuk punojnë.  Qeveria le t’i hapë sytë se me të vërtetë është kah i vjen fundi. Jnë në pyetje 85 mijë familje që janë kah presin.’’, shtoi Syla.

Revoltë e paralajmërime për gresdë ka shfaqur edhe kryetari i Sindikatës së Bashkuar të Arsimit (SBASHK), Rrahman Jasharaj, duke paralajmëruar greva.

Njëjtë, në këmbë u patën çuar edhe sektori privat e sektori i administratës shtetërore.

Kujtojmë që sot, me të nisur seanca e Kuvendit të Kosovës, AAK’ja vendosi pankarata me pyetjen ‘’Ku është Ligji i Pagave’,duke e vlerësur si mashtrim të radhës të Albin Kurtit.PERISKOPI/