“S’ka bir nane…”, “Ku është punësu ai?”: Top perlat e Pecit për skandalet në ministrinë e Bujqësisë

Ministri në detyrë i Bujqësisë Faton Peci dje u intervistua për rreth 5 orë nga Prokuroria Speciale pas raportimit të Periskopit në lidhje me skandalin për fabrikën me mbetje shtazore. Nuk e dijmë ende se çka ju tha Peci, Prokurorisë, por deklaratat e tij në lidhje me skandalet në ministrinë e tij janë për tu çuditur. Periskopi ju sjell një përmbledhje të disa deklaratave më interesante të Pecit…

“Ka Zot”– Peci për skandalin rreth fabrikës me mbetje shtazore

Dje u intervistua si i dyshuar, por tek sot Peci doli me një reagim në profilin e tij në Facebook, që për çudi nuk kishte sulmuar mediat dhe gazetarët, por shfrytëzoi mundësinë t’i falënderoi ata që i dolën në mbështetje dje duke filluar nga kryeminsitri Albin Kurti.

“Kosova, si vend i bekuar ka një popull të mrekullueshëm, e mbi qiellin e kësaj toke e këtij populli, ka Zot!”, shkroi mes tjerash Peci sot.

“Ndaq gjuni me ujë, ndaq edhe me plumba, s’ka bir nane që më ndal”

Faton Peci ishte treguar “trim” para komisionit për Mjedis, Ushqim, Bujqësi, Planifikim dhe Zhvillim. Aty, Peci kishte thënë fjalë të mëdha se qysh do ta luftonte krimin dhe korrupsionin në  MBPZHR, por që tash e një vit skandalet brenda ministrisë që drejton veç po rriten.

“Nuk ka me vjedh askush sa të jam unë ministër. Ndaq gjuni me ujë, ndaq me plumba qysh keni gjujtë në të kaluarën, nuk ka birë nane që e ndal Faton Pecin. Sa të jem unë, nuk munden me vjedh dostat e Ganes”, kishte deklaruar ai.

“Ku është punësu ai…?”– Peci për këshillarin e tij

Deklarata më e epike e Pecit, ishte kur u pyet për aplikimin e këshilltarit të tij Arian Bugari, për të cilën minsitri u bë kinse nuk është në dijeni.

Një pjesë nga biseda e tij me gazetarin:

Kërquki: Arian Bugari a është këshilltar i juaji

Peci: Nuk e di, Ariani ka mujtë me apliku është e drejtë e tij, ku ka apliku ai?

Kërquki qesh…

Peci: Ai është një agronom dhe mbajtës i familjes

Kërquki: Ka mbajtës të familjeve edhe tjerë….

Peci: A e di sa njeri punësohet dhe unë nuk e di kush janë ata.

“Më ka ik“- Qysh “e mori vesh” Peci në studio live se e ka punësuar motrën e shokut të tij dhe zv.ministrit, Blerim Gashani?

Ministri në detyrë ishte zënë ngushtë në emison live, kur zëvëndësi i tij, Blerim Gashani tregoi në prani të tij se motra i është punësuar në Ministrinë e Bujqësisë.

Si për çdo rast tjetër edhe për këtë, Peci u shpreh i “befasuar”, duke u arsyetuar se “i ka ikë”.

Videon e gjeni më poshtë:

Peci në darkë ‘deri n’fyt’ me përfitues të grantit 100 mijë €, thoshte se nuk e di as kush aplikon