40 minuta më parëSKANDALOZE: Qeveria Kurti zgjodhi më pak meritorët për Bordin e OSHP’së, u injoruan kandidatët me pikë më të larta
Periskopi(4 vite më parë)
(4 vite më parë)Qeveria e Kosovës ia ka propozuar Kuvendit listën me 10-të emra për kandidatë dhe anëtarë të bordit të Organit Shqyrtues të Prokurimit, të cilët paraprakisht do të intervistohen nga Komisioni vendor i përbërë nga tre gjyqtarë, raporton Periskopi. Emrat që i kanë shkuar Kuvendit të Kosovës për bord të OSHP-së janë: Nita Bejta, Milot Spahiu, […]
Emrat që i kanë shkuar Kuvendit të Kosovës për bord të OSHP-së janë: Nita Bejta, Milot Spahiu, Arbnor Tmava, Vedat Petërqoj, Faruk Rexha, Bujar Lushaku, Batisha Ibrahimi, Dafina Gashi, Vjosa Gradina-Mexhuani dhe Kimete Gashi.
Me Vendimin Nr.03/54 të datës 12.01.2022, Qeveria Kurti e ka emëruar Komisionin përzgjedhës i cili më datën 14.01.2022 ka mbajtur takimin për shqyrtimin e CV-ve të kandidatëve që kanë aplikuar. Si rezultat, ky komision ka shqyrtuar të gjithë dokumentacionin e kërkuar sipas konkursit dhe në fund ka vendosur pikët për secilin prej tyre në bazë të CV-ve të pranuara.
Komisioni ka shqyrtuar gjithsej 25 oferta.
Periskopi ka gjetur se në mesin e 10 emrave që ka përzgjedhur Qeveria për procedim, disa nga kanë pasë më pak pikë se disa që kanë qenë në top dhjetëshe. Pra, Qeveria në mënyrë arbitrare ka përzgjedhur sipas qejfit ata që kanë poentim më të ulët, duke shpërfillur komisionin që e kishte emëruar vet për ponetim në bazë të CV-ve.
Mësohet se e favorizuar nga Qeveria ka qenë Kimete Berisha, e cila kishte arritur të marrë vetëm 3.2 pikë, që ka qenë e fundit në listë. E parafundit, në listë ka qenë e selektuara tjetër, Vjosa Gradina -Maxhini me gjithsej 3.6 pikë.
Dafina Gashi ka marrë 4. 1 pikë dhe është radhitur e 19 në listë.
Kandidatët, Bujar Lushtaku, Vedat Petërqoj, Faruk Rexha e Batisha Ibrahimi, kanë qenë të renditur me poentim në dhjetëshen e parë.
Komisioni që ka bërë poentimin në bazë të dokumentacionit të kërkuar, në dhjetëshen e parë, të cilët nuk janë rekomanduar nga qeveria kanë qenë kandidatët: Besim Bajraktari më 6.2 pikë, Batisha Ibrahimi më 6.8 pikë, Adem Spahiu më 7.3 pikë, Boban Petkoviç më 7.4 pikë, Hasim Krasniqi më 7.9 pikë dhe Ardian Behra më 8.1 pikë i cili ka qenë i dyti në listë.
Pas propozimit të kandidatëve për “Gjykatën e Tenderëve”, kërkohet nga Këshilli Gjyqësor i Kosovës, propozimi i tre gjyqtarëve për intervistimin e kandidatëve.
Kujtojmë që në Kuvendin e Kosovës javë më parë kishte dështuar për të dytën herë votimi për emërimin e pesë anëtareve të Bordit të Organit Shqyrtues të Prokurimit.
Partia në pushtet, Lëvizja Vetëvendosje e cila ka shumicën në Parlament, nuk kishte votuar për kandidatët për anëtarë të Bordit të OSHP-së, ani pse të gjitha procedurat ishin udhëhequr nën qeverisjen e tyre, pasi konkursin e parë e kishin anuluar.
Më pas, zyra e Kryeministrit të Kosovës kishte hapur konkurs të ri për përzgjedhjen e kryetarit dhe katër anëtarëve të OSHP-së.
Konkursi ishte hapur më datë 10 dhjetor dhe aplikimet kanë mundur të bëhen deri më 24 dhjetor.
Disa prej personave që kanë garuar në konkursin e fundit, e që janë selektruar në top dhjetëshe sipas CV-së, ishin përfshirë në listën e ngushtë të ambasadës britanike në Kosovë, por edhe të Komisionit vendore, emrat e të cilëve kishin shkuar në Kuvend. Të njëjtit, ndonëse janë në dhjetëshen e parë të poentimit sipas CV-së, nuk janë përzgjedhur nga Qeveria.
Që nga data 31 mars 2021, Organi Shqyrtues i Prokurimit ka mbetur pa bord dhe si rezultat ankesat e operatorëve ekonomik nuk kanë mundur të shqyrtohen.
Të gjithë tenderët për të cilët ka ankesa, janë të pezulluar dhe nuk mund të ndërmerret asnjë veprim nga ana e institucioneve deri sa të emërohet bordi i OSHP-së. Kjo ka shkaktuar probleme të mëdha pasi investimet kapitale dhe mallrat e shërbimet kanë mbetur të bllokuara si rezultat i ankesave. /PERISKOPI -Mentor Buzhala/
