2 orë më parëSveçla që thoshte se e ka shtruar “sovranitetin’ në Veri, tash ankohet për destabilizim, kërkon ndihmë nga ndërkombëtarët
Periskopi(7 muaj më parë)
(7 muaj më parë)Ministri në detyrë i Punëve të Brendshme të Kosovës, Xhelal Sveçla, ka reaguar pasi një shtetas i Republikës së Kosovës është plagosur dhe është rrëmbyer brenda territorit të Republikës së Kosovës, nga xhandarmeria serbe, shkruan Periskopi. Ai ka deklaruar se xhandarmëria serbe ka plagosur duke tentuar ta vrasë dhe më pas e ka rrëmbyer një […]
Ministri në detyrë i Punëve të Brendshme të Kosovës, Xhelal Sveçla, ka reaguar pasi një shtetas i Republikës së Kosovës është plagosur dhe është rrëmbyer brenda territorit të Republikës së Kosovës, nga xhandarmeria serbe, shkruan Periskopi.
Ai ka deklaruar se xhandarmëria serbe ka plagosur duke tentuar ta vrasë dhe më pas e ka rrëmbyer një shtetas të Kosovës me inicialet M.V, shkruan Reporteri.net.
Sveçla i ka bërë thirrje faktorit ndërkombëtar që të reagojë dhe ta ndëshkojë Serbinë, duke thënë se po cënon hapur integritetin territorial të Kosovës.
“Kjo qasje agresive dhe provokuese e Serbisë është e papranueshme. Ajo përbën shkelje të rëndë të kufijve tanë shtetërorë dhe të të drejtave të qytetarëve tanë. Është koha e fundit që faktori ndërkombëtar të reagojë me veprime të qarta dhe ndëshkuese ndaj Serbisë, në mënyrë që këto akte armiqësore të mos përsëriten më kurrë”, ka shkruar Sveçla.
Ndryshe, Policia e Kosovës ka njoftuar se të shtunën e 1 nëntorit ka pranuar informacione për rrëmbimin dhe plagosjen nga xhandarmëria serbe e një qytetari serb të Kosovës në zonën e Leposaviqit, shkruan Reporteri.net.
Sipas hetimeve fillestare, policia thotë se persona të maskuar dyshohet se kanë hyrë nga Serbia, e kanë plagosur dhe rrëmbyer viktimën, duke e dërguar më pas në Nish.
Zona ku rasti ka ndodhur nmjihet edhe si “pika zero”, ku përgjegjëse janë KFOR-i./Periskopi/
