4 minuta më parëZyrtarja e VV’së: Nuk e kam idenë pse anëtarët tonë në KQZ votuan për verifikimin e votave nga jashtë me telefonata
Periskopi(5 vite më parë)
(5 vite më parë)Komisioni Qendror Zgjedhor, ka marrë vendim për verifikimin e të gjithë votuesve nga Diaspora, që aplikojnë për t’u regjistruar si votues në zgjedhjet e 14 shkurtit, në Kosovë, shkruan Periskopi. Sipas vendimit, KQZ-së do të kontaktojë prej telefonit të gjithë mërgimtarët që kanë aplikuar për t’u regjistruar si votues, shkruan Periskopi. Secili mërgimtar që nuk […]
Sipas vendimit, KQZ-së do të kontaktojë prej telefonit të gjithë mërgimtarët që kanë aplikuar për t’u regjistruar si votues, shkruan Periskopi.
Këtë vendim nuk po e përkrahë as zyrtarja e VV-së, ish deputetja Drita Millaku e cila në një bisedë për Periskopin e quan ‘vendim ofendues e katastrofal”.
“Vendim katastrofal, vendim ofendues për mërgimtarët”, tha Millaku.
Këtë vendim e kishin përkrahur të gjithë anëtarët e Këshillit Qendror të Zgjedhjeve, duke përfshirë këtu edhe Sami Kurteshin dhe Alim Rama nga Lëvizja Vetëvendosje. Madje, Rama ishte i pari që mori fjalën dhe jepi komente pozitive.
“Deshta të lidhem me këtë, kjo ka të bëj poashtu edhe me kërkesën që përsëritet në rekomandimet e vëzhguesve të Bashkimit Evropian që me rritë integritetin e procesit të aplikimit me postë”, thotë ai pas votimit të vendimit.
E ish-deputetja e kësaj partie, nuk e dinë pse bashkëpartiakët e saj, kanë votuar pro këtij vendimi.
“Nuk e kam idenë pse kanë votu pro”- tha Millaku për Periskopin.
Kundër vendimit të KQZ-së, kishin reaguar zyrtarë nga Vetëvendosja si Albulena Haxhiu, Fitore Pacolli etj.
Edhe U.D. e Presidentes, znj. Vjosa Osmani, i ka shkruar letër kryetares së KQZ-së, znj.Valdete Daka, ku kërkon rishqyrtimin e këtij vendimi./PERISKOPI/ZANA RUGOVA/
Video gjatë votimit të vendimit nga anëtarët e KQZ-së.
–
