18 minuta më parëProkuroria nis hetimet për tenderin e mirëmbajtjes së autostradave që u nënshkrua nga ministria e Liburn Aliut
Periskopi(4 vite më parë)
(4 vite më parë)Nuk është procedura e prokurimit me vlerën më të madhe që e ka iniciuar Ministria e Infrastrukturës që udhëhiqet nga Liburn Aliu, por tenderi për Mirëmbajtjen e dy Autostradave të Kosovës është bërë më i përfoluri në opinion publik. Dyshimet e para për mundësi keqpërdorimi nga ana e Ministrisë i ka ngritur Periskopi. Bile, sqarim […]
Tenderi, për të cilin janë lidhur katër kontrata mbi 10 milionë, para pak javëve më në fund ka përfunduar në Prokurori.
Burime të Periskopit kanë mësuar se pas shumë zvarritjeve, Prokuroria Speciale e Kosovës e ka marre lenden këtij tenderi për trajtim.
Periskopi ka kërkuar të marrë informacione zyrtarë për nisjen e hetimeve, por zyra për informim e Prokurorisë Speciale nuk ka dhënë asnjë informacion.
Para dy muajve, zëvendësministri i Infrastrukturës, Hysen Dumrishi, bashkë me Sekretarin e Menaxherin e prokurimit e kanë vulosur tenderin problematik për mirëmbajtjen verore dhe dimërore të dy autostradave në Kosovë, kontratë kjo tre-vjeçare. Në faqen e Komisionit Rregullativ të Prokurimit Publik -KRPP, tek prokurimet e MI-së, janë publikuar katër kontratat.
Lot 1, e ka fituar grupi i kompanive me lider “Lika Company” SHPK & “Lika Trade”.
Lot 2: Grupi i kompanive me lider kompaninë “2A Group” SHPK & NNT “ABC” SHPK & “B CORP” SHPK & “JUBICA” SHPK.
Lot 3: Grupi i kompanive, me lider kompaninë “Damastion Project” Shpk & “Via” & “Company Eskavatori”.
Lot 4: Grupi i kompanive me lider kompaninë “Arbotec” SHPK & “Arbotec GMBH” –Dega në Kosovë.
Po ashtu, edhe përkundër faktit që Auditori i brendshëm kishte përfunduar raportin i cili ka rezultuar me shkelje që nga inicimi i aktivitetit të prokurimit e deri tek vlerësimi i tij, prokurimi i ministrisë para pak ditëve e ka dërguar për nënshkrim të kontratës këtë procedurë të prokurimit, duke rekomanduar për kontratë kompanitë që janë shpallur fitues herën e parë.
Ministri i Infrastrukturës, Liburn Aliu, është pyetur në Kuvend për Raportin e Auditimit të brendshëm për tenderin milionësh, ku dyshohet se ka pasur parregullsi. Aliu ka theksuar se do të bashkëpunojnë me hetuesinë e prokurorinë.
“Për tenderin të cilin po flisni, parregullsitë i kemi marr nga ankesat e operatorëve. Ankesat kanë qenë të bazuara dhe këtë raport e kam inicu vet bashkë me zv.ministrin. Ka tregu që ka paregullsi dhe e marrim shumë seriozisht dhe e ftojmë prokurorinë. Jemi të gatshëm dhe e kemi bërë gati materialin me u marr pikërisht për këtë çështje”, ka thënë ai.
Periskopi ka bërë disa raportime ku ka ngritur dyshime për favorizime ndaj operatorëve të ndryshëm dhe shkelje të ligjit nga ana e Ministrisë. /Mentor Buzhala -PERISKOPI/
