Aliu i konfirmon parregullsitë në tenderin 16 milionësh në ministrinë e tij: E ftojmë prokurorinë t’i hetojë

Periskopi.com Lajme

Ministri i Infrastrukturës, Liburn Aliu është pyetur sot në Kuvend për Raportin e Auditimit të brendshëm për tenderin 16 milionësh, ku dyshohet se ka pasë parregullësi.

Për rastin për të cilin Periskopi ka raportuar ekskluzivisht dhe disa herë, Aliu ka theksuar se do të bashkëpunojnë me hetuesinë e prokurorinë.

‘’Për tenderin të cilin po flisni, parregullsitë i kemi marr nga ankesat e operatorëve. Ankesat kanë qenë të bazuara dhe këtë raport e kam inicu vet bashkë me zv.ministrin. Ka tregu që ka paregullsi dhe e marrim shumë seriozisht dhe e ftojmë prokurorinë. Jemi të gatshëm dhe e kemi bërë gati materialin me u marr pikërisht për këtë çështje. ‘’, ka thënë ai.

‘’Jemi shumë të vendosur me i shku kësaj pune deri në fund. Është pikërisht ky raport i auditimit që është inicu dhe është ndal ai proces. Ka prodhu edhe atë serinë e sulmeve mediatike që ka qenë ndaj meje. Por sa i përket sulmeve e atyre ne nuk e kemi problem atë punë. Kemi me u marr me hetuesinë e prokurorinë./PERISKOPI/

Raportimet e Periskopit:

Liburn Aliu aktivizon Njësinë e Hetimeve për tenderin 16 milionësh të Hysen Durmishit

Auditori i Brendshëm thotë se tenderi 16 milionësh u manipulua: Është një konstruksion korruptiv

Liburn Aliu konfirmon hulumtimin e Periskopit: Po e auditojmë tenderin e autostradës

Tenderi 16 milionësh: Durmishi paradite i lëshon referenca kompanisë, pasdite ia përmend Prokurorinë