Juventusi monitoron Costa, Keita dhe N’Zonzi ndërsa Chelsea kërkon Bonuccin (Foto)

Juventus është duke synuar të përforcohet me Douglas Costa, Steven N’Zonzi dhe Keita Balde, transmeton Periskopi.

Zonja e vjetër e fitoi kampionatin për herë të gjashtë rresht por nuk ia arriti të fitojë trofeun kryesor, atë të Ligës së Kampionëve.

Juve u mposht nga Real Madridi me rezultat 1 me 4 në Cardiff të Uellsit.

Tashmë gjiganti italian ka rinovuar me Maximiliano Allegri dhe është hedhur në sulm për të sjellur lojtarë të ri në skuadër.

Allegri ka bërë një listë prej tre lojtarëve që mund ta ndihmojnë skuadrën sezonin e ardhshëm, duke filluar me Douglas Costa të Bayern Munich, Steven N’Zonzi të Sevillas dhe anësorin e Lazios Keita Balde.

Sipas Corriero dello Sport, Chelsea do të testojë Juven me një ofertë marrëmendëse për mbrojtësin Leonardo Bonucci, duke ofruar 50 milionë euro.

Sipas gazetës italiane Conte e dëshiron me çdo kusht Bonuccin në mbrojtjen e Chelsea për sezonin e ardhshëm.

Mbetet të shihet se a do të qëndrojë Bonucci me kampionin italian apo do të shkojë te kampioni i anglisë për t’u bashkuar me Conte. /Periskopi/