Ndeshja e cila u shikua nga shumë shqiptarë, u ndoq me interes edhe nga figurat publike.

Këngëtari Blero pas rezultatit, shprehu revoltën e tij me trajnerin e Përfaqësueses së Kosovës, për neglizhencën e futbollistit Bernard Berisha, të cilin nuk e ftoi të ishte pjesë e lojës.

I njëjti shkruan në superlativ për futbollistin Valon Berisha, duke thënë se të gjithë lojtarët do të duhej të merrnin shembull nga ai.

“Është e papranueshme. Valon Berisha sonte e la zemrën në fushë, ju tjerët merrni shembull! Ju dua të gjithëve, ju e dini por jam shumë i zhgënjyer me pjesën e dytë të lojës. Mendoj që Bernard Challandes duhet të japë dorëheqje! Për shumë arsyem e një ndër to është Bernard Berisha. Bernard Challandes ka probleme psikike haveri, duhet urgjentisht dorëheqje. Faleminderit Bernard po e kallëzove veten me Bernard Berishën që je komplet idiot”, ka shkruar këngëtari në InstaStory.

Blero përndryshe është një fans i madh i futbollit, në veçanti ai ka treguar ndër vite se është tifoz besnik i ekipit të Barcelonës.