Allegri: Nuk dua transfere, jam i kënaqur me këtë skuadër

Ish trajneri i Milanit, ka treguar se nuk ka kërkuar nga drejtuesit e klubit që të transferojnë lojtarë të ri në Juventus, por ka thënë se është i kënaqur me skuadra aktuale që ka.

“Jo, absolutisht nuk kam kërkuar asgjë. Nuk pres asgjë, sepse, e përsëris, te Juventusi duhet t’i marrësh lojtarët që e përmirësojnë ekipin, përndryshe është më mirë që të qëndrosh me lojtarët e mirë që i ke”.

“Është e pakuptimtë që të kesh shumë lojtarë që nuk të nevojiten, sidomos nëse ata nuk e përmirësojnë cilësinë e skuadrës”.

“Më mirë do t’i sillja djelmoshat e Primaveras që janë të mirë dhe do t’i lejoja të punojnë me ekipin e parë, pastaj ndoshta u jepet mundësia gjatë rrjedhës së sezonit”, ka deklaruar Allegri. /Periskopi/