Trepça gjobitet me 5.000 euro për incidentin në Mitrovicë
Ndeshja është regjistruar me rezultatin zyrtar 20:0 në të mirë të Pejës, kurse Trepçës si pasojë e kësaj, nuk do t’i takojë pika e humbësit dhe është gjobitur me pesë mijë euro.
Po ashtu, për ndeshjen e radhës si vendase në këtë garë, do të duhet që të luajë maksimumi para 300 tifozëve, jo më shumë dhe ata të jenë të vendosur në tribunat prapa koshave, shkruan sot Koha Ditore.
Sipas njoftimit të BIBL-it, Trepça duhet të paguajë gjobën deri të martën në orën 12:00.
