Prokuroria konfirmon refuzimin e kërkesës së Vetëvendosjes
Lajmin e ka konfirmuar për KTV-në zëdhënësja e Prokurorisë Speciale, Liridona Kozmaqi, që ka bërë të ditur se vendimi është marrë nga Kryeprokurori i Prokurorisë së Apelit, Haxhi Dërguti.
“Nuk ka pasur prova të mjaftueshme që e vërtetojnë se prokurori në fjalë, nuk mundet ta përfaqësojë prokurorinë në atë rast”, ka thënë Kozmaqi, duke iu referuar kërkesës për përjashtim të prokurorit Abdurrahim Islami.
Ndërsa lidhur me kërkesën për përjashtimin e Prokurorisë Speciale, Kozmaqi theksoi se asnjë prokurori tjetër pos Prokurorisë Speciale, nuk mundet t’i hetojë rastet që kanë të bëjnë me vepra që lidhen me terrorizmin, duke rrëzuar kështu kërkesën si të pabazë.
Kërkesat për përjashtim të prokurorisë e prokurorit Islami, i bëri avokati Ramiz Krasniqi, që përfaqëson të akuzuarin Atdhe Arifi.
