Fotografia e vrasjes së ambasadorit rus shpallet më e mira e vitit nga shtypi (Foto)

“Ishte një pamje shpërthyese, e cila shfaqi qartë forcën e urrejtjes në këto ditë.”

Ky ka qenë argumenti i dhënë nga anëtarja e jurisë, Mary F. Calvert.

Kolegia e saj, Tanya Habjouqa mendon se paneli u tregua mjaft i guximshëm në zgjedhjen e tij.

“E dimë se vendimi ynë mund të ngjallë debate, – u shpreh ajo, – por them se duhet t’i kemi edhe të tilla diskutime”.

Karlov, i dërguari i Rusisë në Turqi që prej vitit 2013 ishte ftuar të mbante fjalën në çeljen e një ekspozite arti në kryeqytetin turk, kur u qëllua për vdekje nga Mevlut Mert Altintas.

Të gjithë u ulën në tokë sapo dëgjuan të shtënat, por fotografi i “Associated Press”, Burhan Ozbilici qëndroi në këmbë për të kryer punën e tij.

“Në situata të vështira, unë ruaj qetësinë”, ishte komenti i tij. “Kam përgjegjësinë të mbuloj ngjarjen, pavarësisht të gjithave”.

Fotot e Ozbilicit fituan mes 80 mijë të tjerave nga e gjithë bota. Çmimi i sjell atij, bashkë me nderimet, edhe një shpërblim prej 10 mijë eurosh. Top Channel

Ndërsa Daniel Berehulak, për The New York Times, fitoi çmimin e parë në lajme të përgjithshme në kategorinë (histori), imazh i të cilit, ishin të burgosurit të dyshuar për drogë brenda një stacioni policor në Manila, Filipine, përcjell Periskopi.

Laurent Van der Stockt, nga Getty Reportazh për Le Monde, ka fituar çmimin për lajme të përgjithshme në kategorinë (Singles) për këtë imazh të luftës në Irak.

Sergey Ponomarev, për The New York Times, zuri vendin e dytë në lajme të përgjithshme (Tregime), çmimin për fotografinë e tij në 12 Nëntor të një familje duke u larguar nga luftimet në Mosul dhe fushat e djegura të naftës në sfond.

Valery Melnikov, fitoi çmimin për projekte afatgjate për “Ditët e zeza të Ukrainës”

Çmimi i dytë në të njëjtën kategori shkoi për Hossein Fatemi nga Panos Pictures, për një udhëtim iranian, ku gjatë viteve u mundua t’i tregojë të gjitha anët e shoqërisë iraniane.

Amber Bracken fitoi çmimin për Çështje Bashkëkohore (Tregime), për projektin mbi protestuesit që luftojnë kundër një tubacioni të ri të naftës në North Dakota.

Usain Bolt nga Xhamajka buzëqesh duke fituar në Olimpiadën 2016  në Rio de Janeiro, fotoja është bërë nga Kai Oliver Pfaffenbach, i cili ishte në vend të tretë në kategorinë Sport.

Francis Perez fitoi çmimin për Natyrë, në këtë imazh

Nga revista National Geographic, fotografi Brent Stirton, fitoi çmimin e parë për Natyrë, në kategorinë (Tregime), për luftën e rinocerontëve.

Çmimi i dytë për Natyrën, kategoria (Tregime), shkoi për Ami Vitale, nga National Geographic  për “Pandas Gone Wild”

Kategorinë Daily Life (Tregime), e fitoi Tomas Munita, për fotografinë e tij kur kamioni mbanë studentët për në shtëpi

Çmimi i parë për njerëzit (Tregime), e fitoi Michael Vince Kim, ku subjekt i fotografisë së tij kanë qenë motrat Olga dhe Adelina Lim Hi, dy prej disa pasardhësve Korean në Kubë, të cilët nuk kanë trashëgimi të përzier, dhe gjyshi i grave ishte Im Çon Taek, një nga figurat kryesore të komunitetit të hershme Korean në Kubë. /Periskopi/