Shaqirit i duhet ndihma juaj për golin më të mirë në Euro 2016, votoni
Xherdan Shaqiri ka mbetur prapa në garën për golin më të mirë në Euro 2016, raporton Koha.net.
Në votimin online që e ka hapur Uefa.com goli i Xherdan Shaqirit ka mbetur prapa atij të Hungarisë, Gera, i cili kishte shënuar në barazimin prej 3-3 kundër Portugalisë në minutën e 19.
Goli i Geras aktualisht 6032 vota, ndërsa i dyti është Shaqiri me 1921 vota. Kurse në garë janë edhe Robson-Kanu i Uellsit me golin e shënuar ndaj Belgjikës në minutën e 55, Ronaldo me golin e shënuar ndaj Uellsit në gjysmëfinale në minutën e 50, si dhe goli i finales së mbrëmshme i yllit portugez Eder në minutën e 109 ndaj Francës.
Klikoni KËTU për të votuar për golin më të mirë të Euro 2016. Më pas klikoni mbi imazhin që mendoni se është goli më i mirë i Evropianit, kurse në dritaren tjetër mund të votoni.
Këtë gol Xherdan Shaqiri e konsideron si më të mirin e karrierës.
“Gjatë karrierës kam shënuar shumë gola të bukur, por ky i shënuar në evropian ishte më i miri. Shpresoj që të shpallet edhe më i miri i kampionatit”, ka thënë Shaqiri për Koha Ditore ditë më parë.
