Monstrumi që përdhunoi e vrau 3 vjeçaren në Serbi dyshohet edhe për një vrasje tjetër

Vladica Rajkoviq 28 vjeçar është arrestuar  pasi ka pranuar se në fshatin Vratarnicë afër Zajeçarit të Serbisë kishte rrëmbyer, përdhunuar dhe vrarë brutalisht trevjeçaren A.SH nga ky fshat.

Ai e kishte marrë vogëlushen nga një festë e ditëlindjes ku ishte i pranishëm edhe vet dhe më pas e kishte përdhunuar dhe vrarë atë,

Nëna e 3 vjeçare  rreth orës 21.30 kishte vënë re se vajza nuk ishte dhe menjëherë e kishte raportuar zhdukjen e saj në polici.

Njerëzit të cilët ishin në festën e ditëlindjes i thanë policisë se dyshojnë në Vladica Rajkoviqin, pasiqë ai në të njëjtën kohë ishte zhdukur nga vendi ku po mbahej kremta.

Policia një orë më vonë e gjeti dhe e morri në pyetje me ç`rast ai pranoi se kishte përdhunuar dhe vrarë brutalisht vajzën dhe më pas i tregoi  forcave të rendit dhe prokurorit se ku ndodhej trupi i saj.

Trupi i gjymtuar i vajzës u gjet rreth 600 metra larg shtëpisë ku ishte mbajtur ndeja e ditëlindjes, transmeton Klan Kosova.

Jozyrtarisht merret vesh se Vladica pas krimit, rrobat e përgjakshme i kishte larë në lum dhe ishte rikthyer në festë, raporton “Blic”, transmeton Klan Kosova.

Duke u kthyer, raportohet se xhaxhai i vajzës e kishte takuar Vladicën dhe e kishte pyetur se ku është mbesa e tij, ndërsa i i dyshuari iu kishte përgjigjur “Unë nuk e di, e lashë atë në stacionin e autobusve”

Babai i tij i ka thënë policisë dhe portalit “Blic” se dyshonte që djali i tij para 20 ditësh kishte vrarë një 46 vjeçare po nga ky fshat, zhdukja e së cilës ishte raportuar në policia.

Këta të fundit po punojnë për të hedhur dritë mbi rastin në fjalë.

Ndërkohë, RTS ka raportuar më parë duke iu referuar të dhënave të tyre jozyrtare se vrasësi e ka pranuar edhe vrasjen e gruas, transmeton Klan Kosova.