Ylli i Barcelonës kërcënon Parisin: Mund ta përmbysim rezultatin
Më 8 mars Barcelona e pret në Camp Nou ekipin francez që është favorit për të kaluar tutje, dhe Suarez kërkon që ekipi të shkruajë historinë duke përmbysur rezultatin prej 4-0, diçka që nuk e ka bërë askush deri më tani, transmeton Koha.net.
“Nëse duam të shkruajmë historinë në këtë klub, duhet ta përmbysim rezultatin këtë herë. Ne jemi ekipi më i mirë në botë. Nëse ka një ekip që mund të kthejë këtë situatë, është Barcelona”, është shprehur Suarez, raporton BBC.
Barcelona ka fituar pesë herë Ligën e Kampionëve, kurse në nëntë vitet e fundit ka arritur së paku çerekfinalen.
