Kosova jashtë agjendës së Komitetit të ministrave, Dedaj: Osmani, Kurti dhe Gërvalla, do duhej të jepnin llogari dhe dorëheqje!
Ish-ambasadori i Kosovës, Gjergj Dedaj ka reaguar pasi Kosova ka mbetur jashtë agjendës së Komitetit të ministrave në KiE, shkruan Periskopi.
Dedaj përmes një postimi në llogarinë e tij në Facebook, fajësoi Qeverinë Kurti në detyrë.
“Në kushtet normale dhe në një vend demokratik, përgjegjësit e politikës së jashtme, Osmani, Kurti dhe Gërvalla, do duhej të jepnin llogari dhe dorëheqje!”, shkroi Dedaj mes tjerash.
Postimi i plotë:
KOSOVA JASHTË AGJENDES PËR ANTARËSIM NË KËSHILLIN E EUROPËS!
Dështim pas dështimi, deri te falimentimi i plotë i diplomacisë dhe i Republikës së Kosovës!
Për shkak të dështimeve dhe politikave të gabuara të pushtetit dhe kolapsit të MPJD dhe të diplomacisë, Kosova lihet jashtë agjendes së Komitetit të Ministrave, për antarësim në KiE!
Në kushtet normale dhe në një vend demokratik, përgjegjësit e politikës së jashtme, Osmani, Kurti dhe Gërvalla, do duhej të jepnin llogari dhe dorëheqje!
