U qëllua nga një 15 vjeçar, vdes kandidati presidencial në Kolumbi
Miguel Uribe, kandidati presidencial në Kolumbi, ka vdekur pas një atentati.
Uribe ndërroi jetë nga plagët e marra, përfshirë dy plagë me armë zjarri në kokë.
Uribe u qëllua disa herë gjatë një paraqitjeje në fushatën zgjedhore në Bogota. Dy të shtëna e goditën në kokë dhe një tjetër në gju.
Sipas policisë, personi i dyshuar për qitje ishte një i ri rreth 15 vjeç.
Sulmi shkaktoi frikë tek shumë njerëz në vendin e Amerikës së Jugut se mund të ndodhte një spirale dhune si ajo e viteve 1980 dhe 1990.
Në atë kohë, sulmet e armatosura nga kartelet e drogës dhe vrasjet e politikanëve ishin të zakonshme.
