Përjashtimi i 6 gazetarëve të RTK’së nga moderimi, Tahiri: RTK nën terror politik!
Deputeti i PDK-së, Abelard Tahiri ka reaguar pas zhvillimeve të fundit në RTK, ku disa gazetarë të emisoneve u përjashtuan nga moderimi, shkruan Periskopi.
Tahiri përmes një postimi në Facebook, vlerësoi se “RTK është nën terror politik”.
Postimi i plotë:
RTK nën terror politik!
Gazetarët e emisioneve kryesore u përjashtuan arbitrarisht nga moderimi – pa paralajmërim dhe në kundërshtim me ligjin. Ky është presion i hapur politik dhe goditje ndaj fjalës së lirë.
RTK po kthehet në zëdhënës të qeverisë, ndërsa zërat kritikë po heshten një nga një.
Ky pushtet po i numëron ditët e fundit. Shumë shpejt, transmetuesi publik dhe mediat tona do të jenë të lira nga terrori politik dhe në shërbim të qytetarëve!
