36 vatra zjarri sot në Kosovë, 4 ende aktive

Sipas të dhënave të pranuara nga Qendrat Operative 112, gjatë ditës së sotme në nivel vendi janë regjistruar gjithsej 36 vatra zjarri, ka bërë të ditur Agjencia e Menaxhimit Emergjent (AME).

Katër vatra vazhdojnë të jenë aktive, ndërsa 32 vatra janë lokalizuar falë ndërhyrjes së Njësive Profesionale të Zjarrfikjes dhe Shpëtimit.

AME apelon te qytetarët të shmangin çdo veprim që shkakton zjarr dhe të denoncojnë rastet e zjarrvënies së qëllimshme në numrat 112, 193 dhe 192.