Shaqir Totaj: Po e transformojmë shtegun drejt Kalasë së Prizrenit në atraksion modern për vizitorë
Kandidati i PDK-së për kryetar të Prizrenit, Shaqir Totaj, ka bërë të ditur se kanë nisur punimet për transformimin e shtegut të pasmë të këmbësorëve drejt Kalasë së Prizrenit, në gjatësi prej 4 kilometrash.
Ai ka theksuar se projekti përfshin mbjelljen e drunjve, vendosjen e ndriçimit të ri publik, shportave dhe ulëseve për vizitorët, duke e kthyer këtë hapësirë në një destinacion tërheqës për qytetarët e Prizrenit dhe për turistët.
“Ky është një investim i rëndësishëm që do t’ua lehtësojë lëvizjen vizitorëve dhe do të krijojë kushte moderne për të gjithë ata që e frekuentojnë këtë shteg. Prizreni meriton infrastrukturë të tillë që pasuron turizmin dhe përmirëson jetën e qytetarëve tanë”, ka deklaruar Totaj.
Sipas tij, ky projekt është pjesë e vizionit për zhvillimin urban e turistik të Prizrenit, duke e shndërruar qytetin në një model të përparuar për rajonin.
Postimi i plotë:
