Me zemër për Prishtinën, Ardian Krasniqi kandidon për Asamblenë Komunale të Prishtinës

I kalitur nga përvoja e gjatë në mbrojtjen e punëtorëve dhe sfidat e përditshme në shërbimet publike, Ardian Krasniqi hyn në garë me bindjen se qytetarët e Prishtinës meritojnë institucione të forta, transparente dhe të drejta. Ai është kandidati që sjell guximin, ndershmërinë dhe përvojën e duhur për t’u bërë zëri i qytetarëve në Kuvendin Komunal. Ardian Krasniqi mban numrin 13 në listën e Lidhjes për Prishtinën

Ardian Krasniqi, i cili rrjedh nga një familje patriotike, një emër i respektuar në Prishtinë për përvojën mbi 20 vjeçare në sektorët e shëndetësisë, logjistikës dhe shërbimeve publike, tashmë garon për Kuvendin Komunal të Prishtinës nga radhët e Lidhjes për Prishtinën.

Krasniqi sjell me vete një profil të dëshmuar si njeri i fjalës, i vendosur dhe i palodhur në mbrojtjen e interesit të qytetarëve.

Krasniqi është i njohur për rolin e tij si Kryetar i Sindikatës së Ndërmarrjes “Pastrimi”, ku ka përfaqësuar me dinjitet dhe vendosmëri punëtorët e sektorit publik.

Grevat e fundit të punëtorëve treguan edhe njëherë se Ardiani është gjithmonë në ballë të mbrojtjes së të drejtave të tyre, duke u përballur hapur me sfidat dhe duke kërkuar zgjidhje të drejta për qytetarët.

“Po e shpërndave kompaninë e Pastrimit, vështirë me e mbledh përsëri bashkë,” ka thënë ai, duke shprehur përgjegjësinë e thellë për institucionet që mbajnë gjallë qytetin.

Ardian Krasniqi ka zhvilluar platformën zyrtare për pastërtinë dhe menaxhimin e mbeturinave në Komunën e Prishtinës, e cila përmban 10 pika kryesore. Më poshtë gjeni edhe fotot ilustruese të platformës.

Si pjesë e Lidhjes për Prishtinën, Krasniqi ka vënë në qendër të vizionit të tij mbrojtjen e të drejtave të punonjësve, përfaqësimin e ndershëm dhe ngritjen e cilësisë së jetës për qytetarët.

Përvoja e tij në menaxhim dhe organizim, e kombinuar me lidershipin e dëshmuar, e bëjnë atë një kandidat të fortë dhe të besueshëm për Asamblenë e Prishtinës.

Ardian Krasniqi e ka bërë të qartë: “Prishtinalit mbajn fjalën, veprojnë me zemër! Besa është ligj, fjala është veprim. Traditat dhe zakonet nuk guxojnë të preken – ato janë forca jonë!”
Ky është mesazhi i një kandidati që vjen nga njerëzit dhe për njerëzit, duke qëndruar gjithmonë besnik ndaj vlerave të Prishtinës.

Ardian Krasniqi mban numrin 13 në listën e Lidhjes për Prishtinën. Me Krasniqin qytetarët do ta kenë një përfaqësues të ndershëm, një zë të fuqishëm dhe një njeri të fjalës.