Kapet sasi e madhe e pakove me kolagjen në Vermicë
Dogana e Kosovës ka njoftuar se në pikën kufitare në Vermicë është kapur një sasi e madhe e kolagjenit.
Dogana ka njoftuar se 153 pako me pluhur kolagjeni, secila nga 200 gramë, ishin të vendosura në bagazhin e automjetit dhe i dyshuari nuk ka paraqitur asnjë faturë apo dokumentacion përcjellës.
“Në Pikën Kufitare në Vermicë, gjatë kontrolleve të rregullta doganore, është identifikuar një rast i tentativës për shmangie të obligimeve doganore”, thuhej në njoftim.
“Malli është ndaluar përkohësisht deri në përfundimin e procedurave të mëtejshme, ndërsa ndaj palës është inicuar procedurë për kundërvajtje doganore, në bazë të nenit 244 të Kodit Doganor dhe të Akcizës së Kosovës”, thuhej në njoftimin e Doganave.
Njoftimi i plotë:
