As futbollistëve të Arsenalit nuk po u besohet se pësuan debakël! (Video)

Arsenali ka pësuar humbje të papritur në kuadër të xhiros së 32 të Ligës Premier.

Gunnersat janë mposhtur në stadiumin ‘Selhurst Park” prej Crystal Palace me rezultat të pastër 3:0.

Futbollistët e trajnerit Sam Allardyce shfaqen një ndeshje fantastike, ndërsa të Arsene Wenger dukeshin si hije në fushë, transmeton Telegrafi.

Andros Townsend shfrytëzoi një pakujdesi të mbrojtjes së Gunners dhe në minutën e 17 realizoi gol nga afërsia.

Në vazhdim të ndeshjes më nuk pati raste që ia vlen të theksohet se ky 45 minutshi përfunoi me epërsi minimale të Palace.

Në pjesën e dytë vendasit shënuan edhe dy gola, kur pritej që ‘Topçinjtë’ të përmbysin rezultatin.

Fillimisht, mesfushori francez në minutën e 63 të ndeshjes me një super gol i dha goditjen e dytë Arsenalit.

Por, kjo nuk ishte e tëra pasi që skuadra e Shkodran Mustafit dhe Granit Xhakës pësoi edhe një gol.

Vetëm pesë minuta pasi pësoi golin e dytë, portieri i Arsenalit, Martinez shkaktoi penalti duke ndërhyrë në mënyrë të palejuar kundër Townsend.

Luka Milivojevic u tregua i saktë prej pikës së bardhë në minutën 68 të takimit.

Në vazhdim të takimit më nuk kishte gola dhe kështu, takimi përfundoi 3:0 për Palace.

Pas kësaj, Arsenal mbetet në pozitën e gjashtë të renditjes tabelore të ligës elitare angleze, përkatësisht ka shtatë pikë më pak se ekipi i vendit të katërt Manchester City, e cila dërgon në Ligën e Kampionëve. /Telegrafi/