Probleme për Real Madridin: Lëndohet Fede Valverde

Real Madridi udhëtoi për t’u përballur me Rayo Vallecanon në javën e 12-të dhe u ndal në barazim 0-0.

Por ky nuk ishte i vetmi lajm i keq për Los Blancos.

Sipas faqes zyrtare të klubit, mesfushori Fede Valverde ka pësuar një dëmtim në muskulin semimembranosus në këmbën e djathtë.

Ai iu nënshtrua testeve mjekësore të hënën, më 10 nëntor, dhe do të mbetet nën mbikëqyrje të ngushtë nga stafi mjekësor i ekipit.

Real Madridi mbetet në krye të tabelës së La Ligës me 31 pikë pas 12 ndeshjeve, tre pikë më shumë se vendi i dytë. /Periskopi/