Policia deklarohet: Zjarri shpërtheu në parkingun e “Royal Mall”, nuk ka të lënduar
Policia e Kosovës është deklaruar lidhur me zjarrin që shpërtheu pas mesnate në objektin e “Royal Mall” në Prishtinë.
Zëdhënësi i Policisë për rajonin e Prishtinës, Enis Pllana, ka konfirmuar se rasti është raportuar rreth orës 01:00 të mëngjesit të sotëm, në parkingjet e një objekti në rrugën “Agron Rrahmani” në kryeyqytet.
Sipas tij, nga informacionet e para nuk ka persona të lënduar.
“Aktualisht po vijon puna hetimore për sqarimin e plotë të rrethanave që karakterizojnë ngjarjen”, tha Pllana.
