Pal Lekaj: Banorët e Dukagjinit e dinë kush punon për ta, do t’i kthehen projektet e mëdha dhe investimet

Kandidati për deputet nga Aleanca për Ardhmërinë e Kosovës, Pal Lekaj, përmes një video ka kërkuar besimin e qytetarëve për të votuar AAK në zgjedhjet e 28 dhjetorit.

Ai premtoi se Rrafshit të Dukagjinit do t’i kthehen projektet e mëdha.

“Pas 28 dhjetorit, me qeverisjen e Aleancës dhe me Ramush Haradinajn Kryeministër, Rrafshit të Dukagjinit do t’i kthehen projektet e mëdha dhe investimet kapitale. Banorët e Dukagjinit e dinë kush punon për ta. Aleanca e ka dëshmuar se është gjithmonë krah jush”, tha ai.