ShBA-ja kryen sulme ajrore në Siri
Si hakmarrje për vrasjen e dy ushtarëve amerikanë në Palmyra, Shtetet e Bashkuara dhe aleatët e tyre, përfshirë Jordaninë, goditën të premten dhjetëra baza dhe depo armësh të ISIS-it në mbarë Sirinë.
Ky operacion erdhi pas një serie prej dhjetë bastisjesh që mundësuan mbledhjen e të dhënave të rëndësishme nga pajisjet elektronike të sekuestruara dhe arrestimin e 23 personave.
Sulmi synon të dëmtojë rëndë aftësinë e ISIS-it për të rrezikuar trupat amerikane që ndodhen ende në rajon për luftimin e terrorizmit.
Ushtria identifikoi dy viktimat e sulmit të fundit si rreshterët Edgar Brian Torres Tovar dhe William Nathaniel Howard, të cilët mbetën të vrarë bashkë me një përkthyes civil më 13 dhjetor.
