Arrestohen disa persona për manipulim të ndeshjeve në Turqi
Si pjesë e një hetimi për manipulimin e ndeshjeve dhe bastet në futbollin turk, zyra e prokurorit në Stamboll njoftoi të premten se 24 persona janë arrestuar, përfshirë ish-nënkryetarin e Galatasaray Erden Timur.
Nënkryetari i Eyüpspor Fatih Kulaksiz dhe një zyrtar i Shoqatës Turke të Futbollit u arrestuan gjithashtu, transmeton GazetaBlic Sport.
Zyra e prokurorit të Stambollit tha se kishte lëshuar 29 urdhër-arreste, 14 prej të cilave lidhen me futbollistë të dyshuar se kanë vënë baste që ekipet e tyre të humbasin. Gjashtë futbollistë dyshohen se kanë vënë baste dhe kanë ndikuar në rezultatin e ndeshjes Kasimpasa-Samsunspor në tetor 2024.
Kjo është vala e tretë e arrestimeve në një hetim për manipulimin e ndeshjeve dhe bastet në futbollin turk. Federata Turke e Futbollit pezulloi 150 gjyqtarë në nëntor. Pothuajse një mijë lojtarë janë pezulluar gjithashtu, 25 prej tyre nga liga e parë, ndërsa pjesa tjetër luante për klube në ligat e dyta, të treta dhe të katërta.
