Joshua nën vëzhgim mjekësor, frikë për lëndime më serioze pas aksidentit
Anthony Joshua fillimisht u raportua se kishte pësuar vetëm lëndime të lehta pas aksidentit tragjik automobilistik në Nigeri, ku humbën jetën dy miqtë e tij të ngushtë.
Megjithatë, frika është rritur se gjendja e ish-kampionit botëror të peshave të rënda mund të jetë më serioze sesa u mendua në fillim.
Sipas raportimeve të mediave britanike, përfshirë Daily Mail, burime nga rrethi i afërt i Joshuas kanë ngritur shqetësime për probleme të mundshme me brinjët dhe gjurin.
Edhe pse boksieri u transportua menjëherë në spital dhe ndodhet në gjendje stabile, ai po mbahet ende nën vëzhgim mjekësor për ekzaminime të mëtejshme.
