Plagosen dy persona në Podujevë, policia jep detaje
Dy persona janë plagosur në Podujevë mbrëmjen e së dielës.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti. Ajo ka njoftuar se policia për këtë rast ka arrestuar dy të dyshuar.
“Njësitet policore menjëherë kanë dalë në vendin e ngjarjes, nga ku është raportuar se dy persona janë lënduar. Personat e lënduar janë dërguar për trajtim mjekësor, ndërkohë policia ka nisur një hetim rreth këtij rasti”, ka bërë të ditur Ahmeti.
Sipas Ahmetit, rasti është cilësuar si “vrasje në tentativë”.
