Vance e Ruboi do presin në Shtëpinë e Bardhë zyrtarët e Danimarkës dhe Grenlandës

Zëvendëspresidenti i SHBA-së JD Vance do të takohet me Ministrin e Jashtëm të Danimarkës Lars Lokke Rasmussen dhe homologen e tij të Groenlandës Vivian Motzfeldt në Uashington të mërkurën, ndërsa kërcënimet e presidentit të SHBA-së për të pushtuar Groenlandën vazhdojnë të shkaktojnë shqetësim në Evropë dhe brenda aleancës së NATO-s, shkruan DW.

Bisedimet, që do të mbahen në Shtëpinë e Bardhë me pjesëmarrjen e Vance, u kërkuan nga Rasmussen, i cili kishte kërkuar të takohej me homologun e tij amerikan Marco Rubio, duke thënë se shpresonte të “zgjidhte disa keqkuptime”.

Përpara bisedimeve, Kryeministri i Groenlandës Jens-Frederik Nielsen tha: “Një gjë duhet të jetë e qartë për të gjithë: Groenlanda nuk dëshiron të jetë në pronësi të Shteteve të Bashkuara. Groenlanda nuk dëshiron të qeveriset nga Shtetet e Bashkuara. Groenlanda nuk dëshiron të jetë pjesë e Shteteve të Bashkuara”.

Groenlanda është një territor gjysmëautonom i Danimarkës, një aleat i SHBA-së në NATO.

Në mars, Vance bëri një vizitë të paftuar — dhe kryesisht të padëshiruar — në Groenlandë, por qëndroi vetëm në Pituffik, bazën amerikane prej kohësh në ishull, pa u takuar me asnjë nga 57,000 banorët vendas.