X jashtë funksionit për mijëra përdorues në të gjithë botën
Platforma X është përsëri jashtë funksionit, vetëm tre ditë pasi pësoi një ndërprerje.
Më shumë se 77,000 njerëz kanë raportuar probleme me aksesin në faqe, sipas Downdetector , me faqën kryesore që nuk ngarkohet për përdoruesit.
Është ndërprerja e dytë këtë javë pasi më shumë se 25,500 përdorues raportuan probleme me faqen të martën, raporton Telegrafi, transmeton Periskopi.
Shkaku i ndërprerjes së sotme nuk dihet ende.
X ka pësuar disa ndërprerje të mëdha që nga blerja e Twitter-it nga Elon Musk për 44 miliardë dollarë në vitin 2022.
Kur ai bleu kompaninë, Twitter operonte tre qendra të dhënash – një në Sacramento, një tjetër në Atlanta dhe një të tretë në Portland.
Gjithashtu, Twitter shpenzonte shumë për shërbimet e Google Cloud.
Por, pasi e ngarkoi kompaninë me borxhe të larta, Musk u detyrua të ulte kostot./Periskopi
