Manipulimi i votave, ish-kryeprokurori i Prizrenit: Edhe KQZ-ja duhet të ketë përgjegjësi
Ish-kryeprokurori i Prizrenit, Sylë Hoxha, ka komentuar aksionin e djeshëm të Prokurorisë së Prizrenit ndaj personave të dyshuar për manipulim të votave.
Ai ka theksuar se edhe Komisioni Qendror i Zgjedhjeve (KQZ) nuk mund të shmangë përgjegjësinë në këtë rast.
Në Tëvë1, Hoxha ka deklaruar se KQZ-ja duhet të ketë treguar kujdes në certifikimin e komisionerëve.
“Edhe KQZ-ja është e ndërlidhur dhe duhet të ketë përgjegjësi, sepse siç u tha edhe familjarët e kandidatëve kanë qenë të kyçur. Përveç subjekteve dhe kandidatëve, besoj që edhe KQZ-ja është dashur me ditë kë po e licencon, kush do të jenë komisionerë?”, ka thënë ai.
