Lëndohet Granit Xhaka, nuk do të luajë në ndeshjen e sotme ndaj West Ham
Klubi anglez, Sunderland, ka bërë të ditur se mesfushori shqiptar, Granit Xhaka, nuk do të jetë i gatshëm për ndeshjen e sotme ndaj West Ham United, e vlefshme për javën e 23-të në Ligën Premier.
Sunderland do të përballet si mysafir me West Hamin, por “Macet e Zeza” do të kenë një mungesë të ndjeshme: kapitenin dhe yllin e skuadrës, Granit Xhakën.
Në njoftimin e publikuar nga faqja zyrtare e klubit thuhet:
“Granit Xhaka nuk do të jetë pjesë e ndeshjes së sotme kundër West Ham United.”
Sipas Sunderlandit, mesfushori shqiptar pësoi një dëmtim në kyçin e këmbës gjatë fitores së fundjavës së kaluar ndaj Crystal Palace dhe aktualisht po i nënshtrohet një periudhe rehabilitimi në Academy of Light.
