Alarm edhe në Pejë për manipulim votash: Taulant Kelmendi i VV-së mban “stafetën”
Po vazhdon procesi i rinumërimit të votave të kandidatëve për deputet në Kuvendin e Kosovës.
Sipas Komisionit Qendror të Zgjedhjeve (KQZ) në Qendrën Komunale të Numërimit (QKN), në Pejë janë rinumëruar 68 kuti nga gjithsejtë 139 kuti apo 48,92%, raporton Periskopi.
Nga Lëvizja Vetëvendosje (LVV), këta janë tre kandidatët ‘kampion’ që dyshohen se kanë vjedhur më së shumti vota.
Në vendin e parë është kandidati, Taulant Kelmendi të cilit janë hequr 402 vota.
Në vendin e dytë është, Skender Thaqi, të cilit i janë hequr 236 vota.
Në vendin e tretë është, Gramos Agusholli, të cilit i janë hequr 135 vota.
Kujtojmë se KQZ më 13.01.2026 mori vendim për rinumërimin e fletëvotimeve në 914 vendvotime.
Zgjedhjet e parakohshme parlamentare janë mbajtur më 28 dhjetor 2025./Periskopi
