Arrestohet i dyshuari që sulmoi babain me sëpatë në Deçan
Një ngjarje e rëndë u raportua të ketë ndodhur mbrëmë në Deçan, ku djali sulmoi fizikisht me sëpatë babain e tij.
Policia e Kosovës pak orë pas ngjarjes ka arritur që ta arrestojë të dyshuarin, K.M.
Kjo është konfirmuar nga zëdhënësi i Prokurorisë së Pejës, Shkodran Nikçi.
Nikçi njoftoi se me urdhër të prokurorit të shtetit i dyshuari është ndaluar për 48 orë.
“Brenda afatit ligjor, prokurori do të parashtrojë kërkesë për sigurimin e prezencës së të pandehurit në procedurë penale”,theksoi ai.
Deçan: Djali dyshohet se e sulmoi babain me sëpatë, Prokuroria jep detaje
