Komisioni Qeveritar për të zhdukurit: Në Deçan është rivarrosur me nderime të larta dëshmori Agron Gjocaj

Komisioni Qeveritar për Persona të Zhdukur, ka njoftuar se me nderime të larta është rivarrosur në Deçan, dëshmori Agron Gjocaj, që ishte në listën e personave të zhdukur.

Në njoftim bëhet e ditur edhe se ceremonia e rivarrimit u zhvillua në prani të familjarëve, bashkëluftëtarëve, qytetarëve dhe përfaqësuesve institucionalë, të cilët nderuan jetën dhe sakrificën e tij për lirinë e Kosovës.

‘’ Pas më shumë se 27 viteve ankthi, shprese dhe qëndrese dinjitoze, me peshën më të madhe të mbajtur nga familja e tij, Dëshmori Agron Gjocaj u rivarros me nderimin më të lartë në tokën e Kosovës së lirë që e deshi dhe për të cilin dha gjithçka’’, thuhet mes tjerash në njoftim.

Njoftimi i plot𝐞̈:

𝐌𝐞 𝐧𝐝𝐞𝐫𝐢𝐦𝐞 𝐭𝐞̈ 𝐥𝐚𝐫𝐭𝐚 𝐮𝐬𝐡𝐭𝐚𝐫𝐚𝐤𝐞, 𝐮 𝐫𝐢𝐯𝐚𝐫𝐫𝐨𝐬 𝐃𝐞̈𝐬𝐡𝐦𝐨𝐫𝐢 𝐀𝐠𝐫𝐨𝐧 𝐆𝐣𝐨𝐜𝐚𝐣, 𝐪𝐞̈ 𝐢𝐬𝐡𝐭𝐞 𝐧𝐞̈ 𝐋𝐢𝐬𝐭𝐞̈𝐧 𝐞 𝐏𝐞𝐫𝐬𝐨𝐧𝐚𝐯𝐞 𝐭𝐞̈ 𝐙𝐡𝐝𝐮𝐤𝐮𝐫

Sot në Varrezat e Dëshmorëve në Baballoq të Deçanit, me nderime ushtarake, u rivarros dëshmori i kombit Agron Gjocaj, i rënë më 18.08.1998, që ishte në Listën e Personave të Zhdukur deri në identifikimin e eshtrave të tij.

Pas gjetjes dhe identifikimit përmes analizës shkencore të ADN-së, në respektim të kërkesës së familjes, u rivarrosën mbetjet mortore të tij, të cilat u gjetën gjatë vitit 2025.

Ceremonia e rivarrimit u zhvillua në prani të familjarëve, bashkëluftëtarëve, qytetarëve dhe përfaqësuesve institucionalë, të cilët nderuan jetën dhe sakrificën e tij për lirinë e Kosovës.

Pas më shumë se 27 viteve ankthi, shprese dhe qëndrese dinjitoze, me peshën më të madhe të mbajtur nga familja e tij, Dëshmori Agron Gjocaj u rivarros me nderimin më të lartë në tokën e Kosovës së lirë që e deshi dhe për të cilin dha gjithçka.

Ky rivarrim, dhe çdo rivarrim, është një rikujtim i fuqishëm se drejtësia nuk është përmbushur plotësisht dhe se ka ende familje që presin me ankth një përgjigje.

Komisioni Qeveritar për Persona të Zhdukur riafirmon përkushtimin e palëkundur për zbardhjen e fatit të çdo personi të zhdukur me forcë, si dhe për mbrojtjen e të drejtës së familjeve për të ditur të vërtetën për fatin dhe vendndodhjen e më të dashurve të tyre.

Lavdi dhe nderim i përjetshëm dëshmorit të kombit Agron Gjocaj.