Ndërrim komande në KFOR, theksohet rëndësia e bashkëpunimit me NATO-n
Presidentja Vjosa Osmani, kryeministri Albin Kurti, dhe ministri i Mbrojtjes, Ejup Maqedonci, sot morën pjesë në ceremoninë e ndërrimit të komandës në Grupin Luftarak shumëkombësh Lindje.
Kështu ka bërë të ditur ministri Maqedonci përmes një postimi në Facebook.
Ai tha se partneriteti me NATO-n dhe KFOR-in mbetet thelbësor për sigurinë e Kosovës dhe rrugën e saj euroatlantike.
“Falënderime për Kolonel Jonathan Lloyd për kontributin dhe përkushtimin gjatë mandatit të tij, si dhe urime për Kolonel Samuel Sargeant në marrjen e detyrës së re”, ka shkruar ai.
