Djali i Britneyt bën ndryshimin e madh, vendos mbiemrin e nënës
Pas viteve të një marrëdhënieje të tensionuar, duket se gjërat mes Britney Spears dhe djalit të saj të madh po ndryshojnë dhe një detaj i fundit e bën këtë edhe më të qartë.
Sean Preston, 20 vjeç, një nga dy djemtë që këngëtarja ka me ish-bashkëshortin Kevin Federline, ka bërë një ndryshim që nuk ka kaluar pa u vënë re: ai ka ndryshuar emrin në Instagram.
Nga Sean Preston Federline, tani shfaqet si Sean P. Spears.
Ky ndryshim vjen pak kohë pasi Sean u ribashkua me nënën e tij, pas një periudhe të gjatë distance.
Ribashkimi duket se ka ndodhur gjatë një udhëtimi me jaht, ku Britney kaloi kohë me të dy djemtë e saj, Sean dhe Jayden James. Fotot e publikuara në Instagram tregojnë një atmosferë shumë më të afërt mes tyre, ndryshe nga vitet e fundit, ku marrëdhënia ishte dukshëm e ftohtë.
Historikisht, Britney është parë më shpesh pranë djalit të vogël, ndërsa raporti me Sean ka qenë më i distancuar.
Pas heqjes së kujdestarisë ligjore që kontrollonte jetën e saj për vite, Britney ka folur hapur për marrëdhënien e vështirë me djemtë, të cilët kanë jetuar kryesisht me babanë e tyre. Megjithatë, zhvillimet e fundit sugjerojnë se ata po afrohen me të ëmën.
Ndryshimi i emrit tregon se një lidhje po rindërtohet./Periskopi
