Kapen tre nxënës gjatë ekskursionit, kishin me vete substanca narkotike
Policia e Kosovës ka bërë të ditur se dje në fshatin Arllat të Gllogocit ka ndalur një autobus me nxënës që po shkonin në ekskursion dhe ka gjetur substanca narkotike te tre nxënës.
“Njësiti policore pas një informate ka ndaluar autobusin, i cili ishte duke transportuar nxënës në një ekskursion. Gjatë kontrollit të pasagjerëve tek 3 të dyshuar, dy meshkuj K-Shqiptar dhe një K-A shkali (nxënës) janë gjetur dhe konfiskuar: 3 thika, një boks metali si dhe një sasi e vogël e substancës narkotike. Me urdhër të prokurorit rasti shkon në procedure rregullt”, thuhet në raportin 24 orësh të Policisë së Kosovës.
