Hysaj ka një mesazh të veçantë për De Biasin (Foto)
Elseid Hysaj, nëpërmjet një postimi në Instagram ka falënderuar trajnerin De Biazi pas vendimit të këtij të fundit për t’u larguar nga drejtimi i Shqipërisë.
“Faleminderit mister De Biasi që ndryshove Shqipërinë nga një ekip të vogël në një ekip të madh! Faleminderit edhe për ata emocione të paharrueshme në Francë”, ishin fjalët e futbollistit.
Ato shoqëroheshin me një flamur shqiptar dhe fjalët “i vërtetë”, duke nënkuptuar se sa e ndjente tekniku dashurinë për Shqipërinë.
Mbrojtësi debutoi në radhët e përfaqësueses shqiptare pikërisht nën drejtimin e teknikut që kur ishte 19-vjeç, duke u kthyer shpejt në një element kyç të prapavijës kuqezi.
