Prishtina mund të takohet me gjigantin serb në Europa Ligë (Foto)

FC Prishtina është informuar nga UEFA edhe zyrtarisht për pjesëmarrjen e skuadrës sonë në UEFA Evropa Ligë 2017/18.

Shorti i raundit të parë dhe të dytë do të mbahet në Nyon të Zvicrës më 19 qershor nga ora 13:00.

Ndeshja e parë do të zhvillohet më 29 qershor, kurse ndeshja kthyese pas një jave më 6 korrik.

Siç dihet, FC Prishtina ndeshjen e saj si vendase do të zhvilloj në stadiumin “Adem Jashari” në Mitrovicë dhe ajo mund të ndeshet me skuadrën serbe si Ylli i Kuq i Beogradit.

Ndërsa skuadra deri të hënën do të dorëzojë listën prej 25 futbollistëve që do të licencohen për raundin e parë.

Ftesa për Prishtinën

Prishtina renditet e fundit me koeficient 0.0, pasi që kjo është pjesëmarrja e parë zyrtare dhe suksesi i Prishtinës do të ndihmonte automatikisht në rritjen e koeficientit për shtimin e numrit të skuadrave kosovare për edicionet e ardhshme.

Në raundin e parë janë të vendosura 100 skuadra. 50 skuadrat me koeficientin më të mirë bartëse nuk mund të takohen në mes veti, por do të ndeshen me 50 skuadrat e me koeficientin më të vogël jobartëse.

https://twitter.com/kosovanfooty/status/875808365389152258