Besnik Hasi “tërbon” keq gazetarin grek (Foto)

Tashmë është kthyer në qendër të vëmendjes në Athinë. Edhe pse Besnik Hasi mundohet të bëjë punën e tij, thjesht origjina e tij po i tërbon grekët.

Nëse ai kupton pjesën e tifozërisë dhe nuk konfliktohet me ta, Hasi nuk mohon origjinën, madje e thotë lirshëm, por duket se kjo tërbon edhe atë që ka mikrofonin.

Ish-kapiteni i Kombëtares shqiptare sot grumbulloi ekipin e tij, ndërsa në konferencën për shtyp diçka jo e pëlqyeshme ka ndodhur për gazetarin që po e pyeste.

Hasi, i lindur në Gjakovë të Kosovës, i pyetur për nga vinte, është përgjigjur për këtë dhe në fund ka shtuar: “Kosova e Shqipërisë.”

Reagimi i një gazetari grek ishte i turpshëm, duke komentuar fjalët e Hasit: “Zotëri, Kosova është Serbi”.

Hasi më 25 korrik do ta ketë ndeshjen e parë me skuadrën e Partizanit të Beogradit në kuadër të Champions League.

Në Serbi priten telashe të tjera për trajnerin shqiptar të Olympiacos, por Hasi qëndron i qetë dhe profesionist në punën e tij, duke mos hapur polemika. /konica.al/