Pushuesit në Durrës të pashqetësuar nga mjetet lundruese (Video)
Në bregdetin e Durrësit siguria në ujë e mjeteve lundruese është në nivele të kënaqshme.
Nga një vëzhgim i Ora News është vënë re që kompani të ndryshme të cilat ushtrojnë aktivitetin e tyre përgjatë vijës bregdetare nga ura e Dajlanit deri në malin e Robit, kanë krijuar të gjithë infrastrukturën e nevojshme.
Përfaqësuesi i Këshillit të Europës për vijën bregdetare, Saimir Maloku, shprehet se pushuesit nuk duhet të ndihen të kërcënuar nga mjetet lundruese, pasi infrastruktura në bregdetin e Durrësit është brenda standarteve.
Edhe pushuesit që frekuentojnë këtë vijë bregdetare thonë se nuk ndihen të kërcënuar.
Problem mbetet mungesa e rojeve bregdetare ku për këtë çështje bashkia e Durrësit pritet që javën e ardhshme të nisë një inspektim.
