Kosova mund të mposhtë Ukrainën pa luajtur fare

Ndeshja ndërmjet Ukrainës dhe Kosovës mund të regjistrohet me rezultat zyrtar.

Takimi i paraparë për datën 9 tetor në kuadër të kualifikmeve për Botërorin 2018 ka shumë gjasë të mos zhvillohet fare, pasi FIFA pritet të refuzojë kërkesën e Ukrainës, që ndeshja futbollistike të zhvillohet në një terren neutral, pasi shteti në fjalë nuk e njeh Pavarësinë e Kosovës.

Portali ukrainas ‘Sport-express.ua’ shkruan se Federata e Futbollit të Ukrainës është në një dilemë të madhe sa i përket kësaj çështjeje.

““Nëse FIFA thotë jo, Ukraina do të jetë në rrugë pa krye. Të luajë në shtëpi (edhe pse FIFA e dinë se kjo nuk është e mundur) ose të regjistrohet ndeshja me rezultat zyrtar. E njëjta dilemë do të jetë edhe me ndeshjen që parashihet të luhet në Kosovë, sepse ne nuk jemi në gjendje të luajmë në territorin e papranuar. Pra, imagjinoni tani sikur Ukraina të humb 6 pikë nga Kosova, shpresa për kualifikim do të shuhej që tani”, shkruan mediumi ukrainas.

Kosova ka grumbulluar një pikë në ndeshjen e parë historike kundër Finlandës. /Periskopi.com