Komentatori emocionohet tej mase dhe mbulohet me lot, pasi Siria shënoi gol në kualifikimet për botërorin (Video)
Siria ka qenë në luftë civile për gjashtë vitet e fundit, por mbrëmë përfaqësuesja e tyre e futbollit i dha popullit të saj një moment të mrekullueshëm.
Skuadra siriane arriti të barazojë rezultatin në minutën e 93-të, të duelit me Iranin, për kualifikimet në Botërorin Rusia 2018, transmeton Periskopi.
Goli nga Omar Al-Somah bëri që të krijohen skena të rralla festimi, ku më së shumti u dallua gëzimi i komentatorit sirian, që po komentonte ndeshjen.
Siria asnjëherë më herët nuk është kualifikuar në një Kampionat Botëror.
Tani ajo do të kërkojë kualifikimin me anë të ndeshjeve të eleminimit direkt, ku do të ndeshet me Australinë. /Periskopi
