Formacioni më i mirë i xhiros së gjashtë në Ligën e Francës, i rezervohet një vend edhe Balliut (Foto)
Ka përfunduar java e gjashtë në elitën e futbollit francez.
Derbi kryesor i javës ishte sfida mes Paris Saint Germain dhe Lyon që triumfuan vendasit me rezultat 2:0.
Vëmendja e adhuruesve shqiptar ishte tek sfida Angers – Metz, ku u paraqit me sukses ylli i Shqipërisë, Ivan Balliu.
Metz arriti fitoren e parë 0-1 në kampionat me mbrojtësin shqiptar në fushë që qëndroi gjatë 90 minutave.
Pas paraqitjes së mirë, Balliu është vlerësuar edhe nga L’Equipe që e ka përfshirë atë në formacionin më të mirë të javës.
Balliu zë vend në formacion si mbrojtës i djathtë përkrah emrave si Adrien Rabiot apo Radamel Falcao.
Formacioni më i mirë i javës së gjashtë në Francë:
Lopes, IVAN BALLIU, Kerbrat, Perrin, Pedro Mendes, Jorge, Ndombele, Rabiot, Dossevi, Falcao, Malcolm.
