Mijëra euro të hedhura në tualete
Prokurorët zviceranë po përpiqen të zbulojnë arsyen përse me mijëra euro janë hedhur në disa tualete në Gjenevë.
Bankënotat 500 euroshe u gjetën të copëtuara në banjat e degës së bankës UBS dhe tre restorante aty pranë.
Zhbllokimi i tyre dhe tubave përreth mësohet të ketë kushtuar me mijëra franga. Kartëmonedhat euro të kësaj vlere pritet të tërhiqen nga tregu në 2018-ten nga frika se lehtësojnë aktivitetet e jashtëligjshme.
Banka Qendrore Europiane nuk do të presë me bankënota të këtij lloji pas një hetimi të ndërmarrë nga Komisioni Europian mbi përdorimin e tyre.
Shkatërrimi i kartëmonedhave nuk përbën shkelje në Zvicër, por prokurorët vendas duan të zbulojnë rrethanat e këtij veprimi dhe nëse është kryer ndonjë krim.
